ERCVOX

e que aia feira a Montreyal per toz tems mais an cadan duas vetz //
e que la primeira feira comense la vespra de la festa de sent Horens e dure entro l'endema de las octavas de la mezeissa festa, senes plus;
e l'autra feira comensa la vespra de la festa de sent Marti e dure entro l'endema des octavas de la mezeissa festa, senes plus //
e tot hom e tota femna e totas sas causas que menaran sian salvas e seguras e guizadas per totz locs, estan en la feira e anan e tornan al mercat /
pueys que seran isshit de lors hostals per anar a las feiras e al mercat entro que sian en lors hostals tornatz //
e totz hom e tota femna puesca venir e estar, e anar e tornar en las ditas feiras guizats e segurs /
si home no i a mort o pres no?l ten / o foraiuratz non era / o si?l bailes e?ls cosselhs acordamen deffendut no lo avian //
e qui penharara, ne prenera, ne ferira, ne raubara home ne femna que bengos au mercat o a las feyras / que fus encorrut au senhor / ed e totas sas causas // e que lo senhor de Pardelhan e lo conselh e tota la universitat ac domandassen tant fortament a tota persona cum si aber tota la vila destructa entroque bengensa fos feyta //

COMMENTAIRE: corrélation de date des deux foires (feria) avec marché (mercat), avec fêtes de saints: 1° ST- HORENS et 2° St-Martin (automne) avec référence liturgique aux octaves