ERCVOX

cf. site occiton@free.fr Directoire base de textes
*t01 CARTULAIRE A OSSAU
***t005_01 Cartulaire A f°59 r° - 60 v° *d 1219 *l 40_Dax *r TCH, 60-63
So es assaver que a cascune besthie deus soberdiitz boeus, baques, de rociis et de geogoes que no sera deu rey d’Angleterre soverdiit o de nos Gaston o de nostres feuds o darrerfeuds, mes sie de homis de autre senhor et teratori que bienque per apascentar en las terres soverdiites, done et pague au soverdiit rey notre senhor per lo guidoadge tres diners morlaas cascun han a la mieytat deu Caresme, et nos Gaston soverdit, per lo passadge de la notre terre dus dines de la medixe monede, ung per anar et aute per lo tornar en lo soverdiit termi, exceptatz los frociis et las gegoes qui seran deputatz et ordenatz a portar las bitualhes o las causes usadisses de baques et de cavers, et une baque o un taur deu grey aramat en la maneyre qui es estat acostumat, lasquoaus besties sien quitis de la pague soverdiite.

***t005_02 Cartulaire A f°59 r° - 60 v° *d 1219 *l 40_Dax *r TCH, 60-63
Aixi medichs cascune bestie de motoos et de aoelhes done et pague, au terme soverdit, un (d.) morlaas et cascun cap de porc o troge ung dier morlaas en la festa de Sent Martii d’Ibern tant a notre senhor Rey quant a nos suusdit Gaston. So es assaver en tau maneyre dividadors : que de sincq dinees (o) sincq livres prenca lo Rey soverdiit per lo guidoadge III diners o III sos o tres libres, e de qui en suus segont la some. Empero aqueste pague sie feyte ausdiitz termis davan Sen Sever au conestable de Bordeu o au destinat per son mandament et au messadge de nos Gaston soverdiit per los mayoraus, dejuus losquaus bieran losdiitz besthiars, ayen otre desso de cascun cap de boeus o de baques, de rocii et de gegoes I d. morlaas e no pas mees, et deus motoos et aulhes, de porcs et de troges puquen aixi cum an acostumat

***t007 Cartulaire A *d 1295 *l 33_Bordeaux
/ deu loc o bille deu Maas d’Ayre et de la bastide de Sent Genh e deu guidoatge de las baques extranges/
/lo IIII deu mes d’agos/
ORGANISATION DU TERRITOIRE PASTORAL cf site occiton@free.fr FDIRECTOIRE base de textes
***t008 cartulaire B *d 1359n *l 64_Bielle *r TCH, 205 [onomastique, échelle IGN TOP-25 GPS pastoral]
Commence lo prumer termi deusdiitz portz de Bius et de Peyreges e Peyregexat, au som deu gran poey qui partexs e termia los portz de Bius e d’Aneu de Peyreges et de Peyregexat ; et d’aqui enjuus au cab bag seguien la gangue entro au sobiraa, cada ploo et ont ha ung gran calhau au cap de la Scarose qui es a l’engoau deus malhetz et pena somps ; dequetz malhetz seguien a l’esdret entro au turon peyros qui es a l’engoau deusdiitz malhetz, remaden tot l’augabes dequetz termis enjuus ab la proprietat deu port suusdit de Bius ; et d’aquet turon enta ung autre turon qui es a l’engoau de la gran pene negre dit negre, loquau pene es au cap deu forc qui gexs enter lodiit turon et la pene, remaden tot lo diit turon deu sumalhetz enbag qui son sober lodiit turon ab lo port de Bius dessuusdiit anan a l’engoaa entro a ladiite pene et d’aqui enjuus remaden tot l’augabes ab lodiit port de Bius ; e seguien aras aquere pena au capbag entro a ung malhet ont ha ung autre tèrmi, remaden tot lo plaa et glerer ab lodiit port de Bius ; et d’aquet malhet en fore aregen au cap suus entro au cap deu gran poey qui es a l’engoau de cap dessuus de Biusalheyt ; et d’aquet gran poey en fore seguien sober la pena ont a une queve et sober aquere queba anan a l’engoau e seguien a lesdret sober los turonetz entro a la gran pene o poey qui es sober la font deu fontz de Biusalheyt, remaden tot l’augabes d’aqui enjuus ab lo diit port de Bius.

calculer le poids de la nasalité béarnaise: sobiraa; motoos; morlaas; sobira etc.