ERCVOX

Forum du CLiD
Nous sommes actuellement le 20 Jan 2022, 03:06

Le fuseau horaire est UTC+1 heure




Publier un nouveau sujet Répondre au sujet  [ 1 message ] 
Auteur Message
MessagePublié: 14 Juil 2021, 11:16 
Hors-ligne
Administrateur

Inscrit(e) le : 26 Jan 2009, 15:06
Message(s) : 131
Une base de textes juridiques ocitan est constituée, à partir de quoi se pose la question d'un modèle soit de continuum dialectal
soit d'organisation par modèle polynucléaire pluricentrique
Test possible sur les bases de textes judidiques écrites en occitan
BORDEAUX corpus LUCHAIRE ci joint VA JURADES DE BORDEAUX
AGEN, MARMANDE
RISCLE
ST-GAUDENS
MONTSAUNES
GIMONT
OSSAU
REQUISTA
ST-PONS
NARBONNE THALAMUS etc.PJ extrait de la base de textes CORPUS LUCHAIRE
1° repérage du digraphe: [ei] BORDEAUX, AGEN, MARMANDE: ostaleir, vergeir
2° repérage du digraphe a+U: poiau
2° repérage PT 3 faible en /u/ GRAPHIE = o ; vendo / rendo et ainsi de suite, en vue de l'établissement des tables de variables graphiques relevant de l'analyse phonétique, morphosyntaxique
N° 54. — ACTE DE 1235, BORDEAUX (Arch. départ. de la Gironde, fonds de l’abbaye de Sainte-Croix; orig. parch.). — Contrat de vente.
Conoguda causa sia que n’Aramon de Raissac uendo e quite an W. Seguin, monge e ostaleir de Senta Croiz, e a son ordenh una terra qui es a Lenhan, entre la terra Arnaut de la Maranha e la terra Aiquem de Raissac. E det li per .XXX. sols de peitauins e de bordales; deuscaus et reconeguo que era ben pagats. E d’autra part ne Garsen Galharda uendo e quite au midis en W. Seguin e a son ordenh .II. treuz de binhas e una terra qui son au poiau de Raissac. E la una binha es entre las terras Alaiz de Raissac e la terra Arnaut Linhou. E l’autre es entre la terra Arnaut Geu e la via. E la terra es pres l’estatga de la midissa ne Garsen Galharda. E det l’ac per .XXX. sols de peitauins e de bordales; deuscaus era reconogo que era ben pagada. E d’autra part Alaiz de Raissac vendo e quite au midis en W. Seguin e a son ordenh .V. sadons de terra en la boria d’Agoa morta, e .III. sadons en la boria deu Uergeir. E det l’ac per .XXX. sols de peitauins e de bordales; deuscaus era reconeguo que era pagada. E d’autra part W. Maz uendo e quite au midis en W. Seguin e a son ordenh una binha qui es au treuh de Raissac, entre la binha Arnaut de Raissac e la via; e una terra qui es entre la terra deu midis en W. Maz e la via. E det l’ac per .XX. sols de peitauins e de bordales; deuscaus et reconeguo que era ben pagats. E d’autra part Ramona de Lezinhan vendo e quite au midis en W. Seguin e a son ordenh, amb autrei e am volontat de Robbert de l’Estatga, son marit, .III. sadons de binha e una sadon de terra, lascaus son eu casau W. Colom. E det l’ac per .XXX. sols de peitauins e de bordales; deuscaus era reconeguo que era ben paguada. E d’autra part Ramon de Pugeirem vendo e quite au midis en W. Seguin e a son ordenh .V. sadons de terra a la tasta de Mont, e .V. sadons au fons deu casau P. de la Coma. E det l’ac per .XXX. sols de peitauins e de bordales; deuscaus et reconeguo que era pagats. E d’autra part Robbert Faur vendo e quite au midis en W. Seguin e a son ordenh .V. sadons de terra eu casau W. Colom. E det l’asi per .XX. sols de peitauins e de bordales; deuscaus et reconeguo que era pagaz. E es assaber que li dauandeit uendedor conuingoren e autreieren l’uns apres l’autre au dauandeit en W. Seguin que de las terras e de las binhas dauandeitas porten bona e ferma garentia de tots enparadors a lui e a son ordenh franquamens en alo. So es assaber cadauns de la part que uendut l’a per aissi cum desus es mentagut. E lo midis en W. Seguin de feuaumens a cadaun deus dauandeitz vendedors aquera part que vendut l’aue, en tau maneira que a Ramon de Raissac de feuaumens tot quant que vendut l’aue, am .II. deners d’esporle a senhor mudant e am .III. sols de cens; e a ne Garsen Galharda de feuaumens tot quant que vendut l’aue, am .II. deners d’esporle e am .III. sols de cens; e a n’Alaiz de Raissac de feuaumens tot quant que vendut l’aue, am .II. deners d’esporle a senhor mudant e am .III. sols de cens; e an W. Maz de feuaumens tot quant que vendut l’aue, per .II. deners d’esporle a senhor mudant e per .II. sols de cens; e a Ramona de Lezinhan de feuaumens tot quant que vendut l’aue per .II. deners d’esporle a senhor mudant e per .III. sols de cens; e a Ramon de Pugeirem de feuaumens tot quant que vendut l’aue, am .II. deners d’esporle a senhor mudant e am .III. sols de cens; e a Robbert Faur de feuaumeus tot quant que vendut l’aue, am .II. deners d’esporle a senhor mudant e per .II. sols de cens. E tots aquests cens dauandeiz deuen rendre au dauandeit en W. Seguin o a son ordenh a Senta Croiz, a Bordeu, an per an, lendoman de las Tots Sens, ses que dinar ni autre deuer no lor deu hom dar quant aporteran lo cens. E deuen esporlar e far dreit aqui midis si tort lo faden eus feus. E d’aquets feus dauandeiz it foren bestit am autrei e am volontat deu midis en W. Seguin per la man en Pons, en aquet tens abat de Senta Croiz, qui lor en conuingo estre bons senhor, sauba senhoria e sos dreiz; so es assaber lo cens dauandeit e autres dreiz que i a, eitaus com senhor a sobre afeuat, au for e a las costumas de Bordales. E per las terras dauandeitas far auer e tener, en patz e ses tot pleit, franquamens en alo, e per los autres conuinens son fidances e tengut per n’Aramon de Raissac, n’Aramon W. de Martinhan e Robbert de Martinhan, cadauns per lo tot. E per ne Garsen Galharda son fidances e tengut n’Aramon W. e Robbert de Martinhan, cadauns per lo tot. E per n’Alaiz de Raissac son fidances e tengut n’Aramon de Raissac e n’Aramon W., cadauns per lo tot. E per W., Maz son fidances e tengut n’Aramon de Raissac e n’Aramon W. cadauns per lo tot. E per na Ramona de Lezinhan son fidances e tengut n’Aramon W. e n’Aiquem Sans, cadauns per lo tot. E per n’Aramon de Pugeirem son fidances e tengut n’Arobert de Martinhan e n’Aramon de Pugeirem, l’autre, cadauns per lo tot. E per Robbert Faur es fidance e tenguts Robbert de l’Estatga.
Actum anno gracie .M°. CC°. XXX°. V°., IIII° nonas Maii, regnante Henric rei d’Anglaterra, G. arcibesque de Bordeu, en Peyre Calhau maior. Testes Arnaut de Betla e Ram. de Caruinhan e Pere Sans e Arnaut Legeir, et Helias Reinaut qui la carta escriuo

NB RENVOI au message CENTRALITES/PERIPHERIES: MODELES MONONUCLEAIRES/ POLYNUCLEAIRES REPERTOIRE GEOLINGUISTIQUE : 14 JUIILLET 2021


Haut
 Profil Envoyer un message privé  
 
Afficher les messages publiés depuis :  Trier par  
Publier un nouveau sujet Répondre au sujet  [ 1 message ] 

Le fuseau horaire est UTC+1 heure


Qui est en ligne ?

Utilisateur(s) parcourant ce forum : Aucun utilisateur inscrit et 1 invité


Vous ne pouvez pas publier de nouveaux sujets dans ce forum
Vous ne pouvez pas répondre aux sujets dans ce forum
Vous ne pouvez pas éditer vos messages dans ce forum
Vous ne pouvez pas supprimer vos messages dans ce forum
Vous pouvez insérer des pièces jointes dans ce forum

Recherche de:
Aller vers :  
cron
Powered by phpBB® Forum Software © phpBB Group
Traduit par Maël Soucaze et Elglobo © phpBB.fr